Vottun hf.

  • Stækka leturstærð
  • Sjálfgefin leturstærð
  • Minnka leturstærð
Velkomin á heimasíðu Vottunar hf.

Utanríkisráðuneytið fær jafnlaunavottun

Senda í tölvupóst Prentvæn útgáfa Skoða sem PDF skjal

Utanríkisráðuneytið hefur hlotið vottun á jafnlaunakerfi sitt. Á myndinni hér að neðan sést Guðlaugur Þór Þórðarson utanríkisráðherra taka við vottorðinu úr hendi Davíðs Lúðvíkssonar úttektarstjóra. Til vinstri við Davíð er Anna Ósk Kolbeinsdóttir mannauðs- og launafulltrúi og lengst til hægri á myndinni eru þau Sturla Sigurjónsson ráðuneytisstjóri og Berglind Bragadóttir stjórnarráðsfulltrúi.

 

Jafnlaunakerfi dómsmálaráðuneytisins vottað

Senda í tölvupóst Prentvæn útgáfa Skoða sem PDF skjal

Vottun hf. hefur veitt dómsmálaráðuneytinu vottun á jafnlaunakerfi sitt. Vottorðið var afhent í byrjun mánaðarins. Á myndinni má sjá Hauk Guðmundsson ráðuneytisstjóra taka við vottorðinu úr hendi Emils B. Karlssonar úttektarstjóra.

 

Samgöngu- og sveitarstjórnarráðuneytið vottað

Senda í tölvupóst Prentvæn útgáfa Skoða sem PDF skjal

Í liðnum mánuði hlaut samgöngu- og sveitarstjórnarráðuneytið vottun á jafnlaunakerfi sitt hjá Vottun hf.

 

Vottun Vinnumálastofnunar

Senda í tölvupóst Prentvæn útgáfa Skoða sem PDF skjal

Vinnumálastofnun hefur hlotið vottun á jafnlaunakerfi sitt hjá Vottun hf. Vottunin staðfestir samræmi við jafnlaunastaðalinn ÍST 85:2012. Stofnunin hefur með höndum yfirstjórn opinberrar vinnumiðlunar og atvinnuráðgjafar í landinu og rekur Atvinnuleysistryggingasjóð, Fæðingarorlofssjóð og ábyrgðarstjóð launa. Hún sér einnig um eftirlit og greiningar á stöðu og þróun vinnumarkaðar.

 

Mennta- og menningarmálaráðuneytið fær vottun

Senda í tölvupóst Prentvæn útgáfa Skoða sem PDF skjal

Mennta- og menningarmálaráðuneytið hlaut vottun á jafnlaunakerfi sitt í desember síðastliðnum. Á myndinni hér að neðan sjást Lilja Alfreðsdóttir mennta- og menningarmálaráðherra og Ásta Magnúsdóttir ráðuneytisstjóri taka við vottorði sem staðfestir að jafnlaunakerfi ráðuneytisins uppfyllir kröfur í jafnlaunastaðlinum ÍST 85:2012.

Á myndinni eru frá vinstri Stefán Baldursson skrifstofustjóri, Jóna Pálsdóttir jafnréttisráðgjafi, Lilja Alfreðsdóttir mennta- og menningarmálaráðherra, Emil B. Karlsson úttektarmaður, Ásta Magnúsdóttir ráðuneytisstjóri og Anna María Urbancic rekstrarstjóri.

 

Forsætisráðuneytið hlýtur jafnlaunavottun

Senda í tölvupóst Prentvæn útgáfa Skoða sem PDF skjal

Forsætisráðuneytið hefur hlotið jafnlaunavottun sem staðfestir að jafnlaukakerfi ráðuneytisins uppfylli kröfur jaflaunastaðalsins ÍST 85:2012. Á myndinni hér að neðan taka þær Katrín Jakobsdóttir forsætisráðherra og Ragnhildur Arnljótsdóttir ráðuneytisstjóri við vottorðinu úr hendi Emils B. Karlssonar úttektarmanns.

 

Orkuveita Reykjavíkur og dótturfélög fá jafnlaunavottun

Senda í tölvupóst Prentvæn útgáfa Skoða sem PDF skjal

Orkuveita Reykjavíkur og dótturfélögin Orka náttúrunnar ohf, Veitur ohf og Gagnaveita Reykjavíkur ehf. fengu vottun á sameiginlegt jafnlaunakerfi sitt í júlí í sumar.

 

Öll fyrirtæki Festar fá jafnlaunavottun

Senda í tölvupóst Prentvæn útgáfa Skoða sem PDF skjal

Vottun hf. hefur veitt Festi hf. og dótturfélögum þess, ELKO, Krónunni, Nóatúni og Bakkanum vöruhúsi, vottun á jafnlaunakerfi sitt. Vottunin staðfestir að félögin uppfylla kröfur jafnlaunastaðalsins ÍST 85:2012. Starfsmannafjöldi þessara félaga er samtals um 1200 en Krónan og Nóatún eru fyrstu dagvöruverslanirnar hér á landi með jafnlaunavottun. Á meðfylgjandi mynd eru frá vinstri Emil B. Karlsson úttektarmaður Vottunar hf., Guðríður Hjördís Baldursdóttir mannauðsstjóri Festar, Sveinborg Hafliðadóttir mannauðsstjóri ELKO og Jón Björnsson forstjóri Festar.

 

Velferðarráðuneytið fær vottun

Senda í tölvupóst Prentvæn útgáfa Skoða sem PDF skjal

Velferðarráðuneytið hlaut á haustdögum vottun á jafnlaunakerfi sitt.  Um er að ræða vottun á samræmi kerfisins við kröfur íslenska staðalsins ÍST 85, sem gefinn var út árið 2012. Uppbygging og innleiðing jafnlaunakerfisins hófst um ári fyrr og fól m.a. í sér nákvæma starfaflokkun innan ráðuneytisins og launagreiningu byggða á henni.

Eitt af verkefnum velferðarráðuneytisins eru jafnréttismál í íslensku samfélagi og í kjölfar lagagsetningar síðastliðið sumar, sem skyldar fyrirtæki og stofnanir með 25 starfsmenn eða fleiri til að innleiða jafnlaunakerfi, hefur ráðuneytið tekið saman ýmis gögn um jafnlaunavottanir, þ. á m. verkfærakistu fyrir þá sem hyggjast innleiða slíkt kerfi.

Myndin hér fyrir neðan er frá afhendingu vottorðsins. F.v. Kjartan J. Kárason, Þorsteinn Víglundsson, Anna Lilja Gunnarsdóttir og Óttarr Proppé.

 

Jafnlaunakerfi Tollstjóra vottað

Senda í tölvupóst Prentvæn útgáfa Skoða sem PDF skjal

Í nóvember á síðasta ári hlaut embætti Tollstjóra vottun á jafnlaunakerfi sitt hjá Vottun hf. Um er að ræða vottun á samræmi kerfisins við kröfur staðalsins ÍST 85. Staðallinn var samþykktur sem nýr íslenskur staðall árið 2012 og reglugerð gefin út árið 2014 sem kveður á um kröfur hins opinbera til þeirra aðila sem votta slík kerfi. Reglugerðin byggir annars vegar á lögum um jafna stöðu og jafnan rétt kvenna og karla og hins vegar á lögum um faggildingu.

Hjá Tollsjóra starfa á þriðja hundrað manns og er embættið með starfsstöðvar víða um land. Kjarnastarfsemin er á sviði tollstjórnar og innheimtumála en Tollstjóri hefur með höndum tollgæslu í landinu ásamt innheimtu opinberra gjalda fyrir ríki og sveitarfélög í stjórnsýsluumdæmi Reykjavíkur. Embættið hefur starfrækt gæðastjórnunarkerfi í starfsemi sinni sem hefur verið vottað af DQS frá miðju ári 2015. Nánari upplýsingar um starfsemina er að finna á heimasíðu embættisins, www.tollur.is.

 



Vottuð starfsemi

 

 

Upplýsingar um handhafa
gildra vottorða og umfang
vottana hjá Vottun hf.
fást á skrifstofu félagsins.


Vottun hf. —    NMÍ, Keldnaholti    —    112 Reykjavík    —    sími: 570-7200    —    fax: 522-9111    —    tp: vottun@vottunhf.is    —    kt: 590691-1439