Vottun hf.

Reykjavíkurborg, stærsti vinnuveitandi landsins, hlaut jafnlaunavottun 5. desember 2019. Hjá Reykjavíkurborg starfa að jafnaði um tíu þúsund einstaklingar.

Í tilkynningu frá Þjóðskrá segir að í vottuninni felist að Þjóðskrá Íslands muni tryggja að öll kyn njóti sömu tækifæra til þjálfunar og frama og að starfsmenn séu metnir að verðleikum óháð kyni.

Vottun hf. sá um úttekt á jafnlaunakerfinu í ágúst og í kjölfarið fékk stofnunin afhent vottorðsskjal föstudaginn 13. september og var því fagnað í föstudagskaffi starfsmanna.

Landsbókasafn Íslands - Háskólabókasafn fékk þann 24. apríl 2019 heimild Jafnréttisstofu til að nota jafnlaunamerkið eftir úttekt sem Vottun hf. framkvæmdi. Í frétt frá safninu segir að Landsbókasafn Íslands - Háskólabókasafn er stolt af því að hafa hlotið jafnlaunavottun og vera handhafi jafnlaunamerkisins.

Raförninn fékk gæðastjórnunarkerfi sitt vottað hjá Vottun hf. samkvæmt alþjóðlega gæðastaðlinum ISO 9001 þann 29. mars 2019. Raförninn ehf var stofnaður árið 1984 og og hefur sérhæft sig þjónustu og ráðgjöf með áherslu á læknisfræðilega myndgreiningu og aðra heilbrigðisþjónustu. Í fréttatilkynningu frá fyrirtækinu segir að þessi árangur sé uppskera mikillar og samstilltrar vinnu alls starfsfólksins og staðfestir að allir þættir í heildarstarfsemi Rafarnaris uppfylla kröfur staðalsins. Hjá fyrirtækinu starfa 15 starfsmenn. Sjá www.raförninn.is

Á myndinni sést Edda G. Aradóttir ásamt starfsmönnum  Rafarnarins taka við vottorðinu úr höndum Péturs Helgasonar úttektarmanns hjá Vottun hf.

Utanríkisráðuneytið hefur hlotið vottun á jafnlaunakerfi sitt. Á myndinni hér að neðan sést Guðlaugur Þór Þórðarson utanríkisráðherra taka við vottorðinu úr hendi Davíðs Lúðvíkssonar úttektarstjóra. Til vinstri við Davíð er Anna Ósk Kolbeinsdóttir mannauðs- og launafulltrúi og lengst til hægri á myndinni eru þau Sturla Sigurjónsson ráðuneytisstjóri og Berglind Bragadóttir stjórnarráðsfulltrúi.

Vottun hf. hefur veitt dómsmálaráðuneytinu vottun á jafnlaunakerfi sitt. Vottorðið var afhent í byrjun mánaðarins. Á myndinni má sjá Hauk Guðmundsson ráðuneytisstjóra taka við vottorðinu úr hendi Emils B. Karlssonar úttektarstjóra.

Valitor fékk afhent jafnlaunavottorð Vottunar hf. 20. mars 2019. Á myndinni eru frá vinstri: Stefán Ari Stefánsson, mannauðsstjóri Valitor, Kristjana Axelsdóttir, verkefnastjóri í innleiðingu jafnlaunakerfisins, Emil B. Karlsson, úttektarmaður Vottunar hf., Erla Sylvía Guðjónsdóttir, mannauðssérfræðingur og Viðar Þorkelsson, forstjóri Valitor.

Í liðnum mánuði hlaut samgöngu- og sveitarstjórnarráðuneytið vottun á jafnlaunakerfi sitt hjá Vottun hf.

Vinnumálastofnun hefur hlotið vottun á jafnlaunakerfi sitt hjá Vottun hf. Vottunin staðfestir samræmi við jafnlaunastaðalinn ÍST 85:2012. Stofnunin hefur með höndum yfirstjórn opinberrar vinnumiðlunar og atvinnuráðgjafar í landinu og rekur Atvinnuleysistryggingasjóð, Fæðingarorlofssjóð og ábyrgðarstjóð launa. Hún sér einnig um eftirlit og greiningar á stöðu og þróun vinnumarkaðar.

Mennta- og menningarmálaráðuneytið hlaut vottun á jafnlaunakerfi sitt í desember síðastliðnum. Á myndinni hér að neðan sjást Lilja Alfreðsdóttir mennta- og menningarmálaráðherra og Ásta Magnúsdóttir ráðuneytisstjóri taka við vottorði sem staðfestir að jafnlaunakerfi ráðuneytisins uppfyllir kröfur í jafnlaunastaðlinum ÍST 85:2012.

Á myndinni eru frá vinstri Stefán Baldursson skrifstofustjóri, Jóna Pálsdóttir jafnréttisráðgjafi, Lilja Alfreðsdóttir mennta- og menningarmálaráðherra, Emil B. Karlsson úttektarmaður, Ásta Magnúsdóttir ráðuneytisstjóri og Anna María Urbancic rekstrarstjóri.